اسلام آباد۔16مئی (اے پی پی):وزیراعظم محمد شہباز شریف نے جمہوریہ سلوواکیہ کے وزیراعظم رابرٹ فیکو پر حملے کی مذمت کی ہے۔
جمعرات کو سماجی رابطے کی ویب سائٹ ایکس پر ایک ٹویٹ میں وزیراعظم نے کہا کہ سلوواکیہ کے وزیراعظم رابرٹ فیکو پر افسوسناک حملے کی شدید مذمت کرتے ہیں،ہماری دعائیں اور نیک تمنائیں ان کے اور ان کے خاندان کے ساتھ ہیں اوران کی جلد صحت یابی اور اچھی صحت کےلئے دعا گو ہیں۔وزیر اعظم نے کہا کہ ہم ان نازک لمحات میں جمہوریہ سلواکیہ کی حکومت اور عوام کے ساتھ ہیں۔