بیرون ملک مقیم پاکستانیوں کے لیے سازگار ماحول پیدا کرنے اور قومی ترقی کے ایجنڈے کے لیے ان کے نظریات اور صلاحیت کو بروئے کار لایا جائے گا، پاکستان کے نائب وزیراعظم اور وزیر خارجہ سینیٹر محمد اسحاق ڈار کا انٹر ایکٹو سیشن میں اظہار خیال

image

بیجنگ ۔14مئی (اے پی پی):پاکستان کے نائب وزیراعظم اور وزیر خارجہ سینیٹر محمد اسحاق ڈار نے کہا ہے کہ بیرون ملک مقیم پاکستانیوں کے لیے سازگار ماحول پیدا کرنے اور قومی ترقی کے ایجنڈے کے لیے ان کے نظریات اور صلاحیت کو بروئے کار لایا جائے گا۔ ان خیالات کا اظہار انہوں نے چین میں پاکستانی پیشہ ور افراد اور طلباء کے ایک انٹر ایکٹو سیشن میں کیا۔ بیجنگ میں پاکستانی سفارتخانے کے زیر اہتمام اس تقریب میں چین میں مقیم پاکستانی پیشہ ور افراد اور طلباء کے ایک متنوع گروپ کو اکٹھا کیا گیا۔

دفتر خارجہ کے مطابق نائب وزیراعظم نے پاکستان کے ساتھ غیر متزلزل وفاداری اور وابستگی، اس کی غیر معمولی قابلیت، ہنر اور پاکستان اور چین دونوں کی سماجی اقتصادی ترقی میں انمول شراکت پر پاکستانی تارکین وطن کی تعریف کی۔ انہوں نے حکومت پاکستان کے جامع اصلاحاتی ایجنڈے کا خاکہ پیش کیا اور کہا کہ خاکے کا مقصدمحصولات میں اضافہ، کفایت شعاری کو فروغ دینے اور غیر ملکی سرمایہ کاری کو بروئے کار لا کر اقتصادی ترقی اور ترقی کو فروغ دینا ہے۔ انہوں نے بیرون ملک مقیم پاکستانیوں کے لیے سازگار ماحول پیدا کرنے اور قومی ترقی کے ایجنڈے کے لیے ان کے نظریات اور صلاحیت کو بروئے کار لانے کے لیے حکومت کے عزم کا اعادہ کیا۔

اس موقع پر سینیٹر اسحاق ڈار نے سامعین کے سوالات کے جوابات بھی دیئے۔ انہوں نے قومی اہمیت کے متعدد مسائل خصوصاً پاکستان کی سماجی اقتصادی ترقی، پاک چین تعلقات کو مضبوط بنانے اور سمندر پار پاکستانیوں کے اہم کردار کے حوالے سے تجاویز کا نوٹس لیا اور سامعین کی قیمتی بصیرت کو سراہتے ہوئے انہوں نے پاکستانی پروفیشنلز اور طلباء کی حوصلہ افزائی کی ۔ اسحاق ڈار نے کہا کہ چین میں اپنے اپنے اداروں اور کمیونٹیز میں خود کو پاکستان کا نمائندہ سمجھیں اور دونوں ممالک کے درمیان دوستی اور تعاون کے پل کا کام کریں۔


News Source   News Source Text

مزید خبریں
پاکستان کی خبریں
وفاقی حکومت بلوچستان میں غربت میں کمی کے لیے اقدامات کر رہی ہے،چیئر پرسن بینظیر انکم سپورٹ پروگرام روبینہ خالد کوئٹہ۔ 28 مئی (اے پی پی):چیئر پرسن بینظیر انکم سپورٹ پروگرام روبینہ خالد نے کہا ہے کہ وفاقی حکومت بلوچستان میں غربت میں کمی کے لیے اقدامات کر رہی ہے اور اس کیلئے بینظیر انکم سپورٹ پروگرام صوبے کی خواتین کو معاشی سپورٹ فراہم کرتاہے۔ ان خیالات کا اظہار انہوں نے صوبے میں بی آئی ایس پی اقدامات کی کوآرڈینیشن اور نفاذ کے لیے اسٹیک ہولڈرز کے اجلاس کی صدارت کرتے ہوئے کیا۔ اجلاس میں سیکرٹری آئی ٹی ایاز خان مندوخیل، سیکرٹری انڈسٹریز نور احمد پرکانی، سیکرٹری کالجز حافظ طاہر، ڈی جی بی آئی ایس پی عبدالجبار و دیگر متعلقہ حکام نے شرکت کی۔ انہوں نے کہا کہ وہ صدر پاکستان آصف علی زرداری کی ہدایت پر دورہ کررہی ہے جنہوں نے بلوچستان پر خاص توجہ دینے کی ہدایت کی ہے جس سے صدر آصف علی زرداری کی بلوچستان سے دلچسپی کا اظہار ہوتا ہے۔ان کا کہنا تھا کہ بلوچستان کے عوام کو خصوصی توجہ دینے کے باعث ہی بلوچستان کے خواتین اور مردوں سے ہی پیشہ ورانہ تربیتی پروگرام کا آغاز کیا جائے گا۔ انہوں نے کہا کہ بہت جلد اس پروگرام پر عمل درآمد شروع ہو گا۔ انہوں نے کہا کہ غربت میں کمی لانے کے لیے اسکلز پروگرام بہتر کرنے کی ضرورت ہے۔ انہوں نے کہا کہ بلوچستان میں کشیدہ کاری، مختلف چیزوں کی پیکنگ، لائیو اسٹاک اور ہیلتھ کیئر بہتر کرنے کیلئے اقدامات کرنے ہوں گے اور اس کے علاوہ معیاری تربیت پر جانا ہوگا کیونکہ دنیا کو اب تربیت یافتہ ہنر مند افراد کی ضرورت ہے۔
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.