بیجنگ۔13مئی (اے پی پی):نائب وزیراعظم اور وزیر خارجہ سینیٹر محمد اسحاق ڈار سے چین کے دورے کے دوران شوگوانگ کے میئر ژائو تیان بائو نے بیجنگ میں ملاقات کی۔ پیر کو دفتر خارجہ کے مطابق نائب وزیراعظم سینیٹر محمد اسحاق ڈار نے ملاقات میں پاکستان کے اقتصادی اصلاحات کے ایجنڈے اور انفراسٹرکچر، قابل تجدید توانائی، ٹیکسٹائل، زراعت، آئی ٹی اور کان کنی جیسے شعبوں میں سرمایہ کاری کے مختلف مواقع پر روشنی ڈالی۔
انہوں نے چینی کمپنیوں کو پاکستان میں مینوفیکچرنگ یونٹس لگانے کی دعوت دی۔ اس موقع پر میئر ژائو تیان بائو نے شوگوانگ اور پاکستان کے درمیان زراعت، کان کنی اور توانائی کے شعبوں میں تجارتی تعلقات اور تعاون کو بڑھانے کے عزم کا اظہار کیا۔