راولپنڈی ۔23اپریل (اے پی پی):سکیورٹی فورسز کے بلوچستان کے ضلع پشین میں آپریشن کے دوران 3 دہشت گرد مارے گئے،ایک افغانی دہشت گرد کو زخمی حالت میں گرفتار کرلیا گیا۔آئی ایس پی آر کے مطابق 24،23،22 اپریل کی رات، سکیورٹی فورسز نے دہشت گردوں کی موجودگی کی اطلاع پر بلوچستان کے ضلع پشین میں انٹیلی جنس کی بنیاد پر آپریشن کیا۔ فائرنگ کے تبادلے میں 3 دہشت گرد مارے گئے ۔
اس موقع پر ایک زخمی دہشت گرد کو حراست میں لیا جس کی شاخت افغان شہری کے طور پر ہوئی ۔ آپریشن کے دوران بھاری مقدار میں اسلحہ اور بارود برآمد کرلیا گیا۔ آئی ایس پی ار کا کہنا ہے پاکستان کی سکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔