"بیٹی کی پیدائش کے مرحلے سے گزرتے وہ وقت بھی آیا جب ماں یا بچے کسی ایک کی جان بچانی ممکن تھی لیکن لوگوں کی دعائیں بہت زیادہ تھیں اس لیے اللہ نے اپنا کرم کیا"
یہ کہنا ہے معروف اداکارہ ثروت گیلانی کا جنھوں نے نجی ٹی وی چینل میں افطار ٹرانسمیشن کے دوران گفتگو کرتے ہوئےحالیہ بچے کی پیدائش کا ذکر کیا.
ثروت گیلانی کا کہنا تھا کہ ان کی سرجری 6 گھنٹے چلی جبکہ نارمل ڈیلیوری 20 منٹ میں ہوجاتی ہے ۔
ثروت گیلانی نے اپنی بیٹی کا نام ایلا نور رکھا ہے جس کے متعلق ان کا کہنا ہے کہ حمل کے دوران لوگوں نے ان سے کہا کہ ان کے چہرے پر بہت نور آیا ہے اور ایلا نام انھیں پہلے سے پسند تھا جس کے معنی ہے بہت خوبصورت. اس وجہ سے ان دونوں کو ملا کر انھوں نے بیٹی کا نام ایلا نور رکھا ۔
واضح رہے کہ اداکارہ ثروت گیلانی اور اداکار اور سرجن فہد مرزا کی شادی 2014 میں ہوئی تھی. جس کے بعد دونوں کے دو بیٹے روحان مرزا اور آریز مرزا ہیں جبکہ گزشتہ برس دسمبر میں تیسرے بچے کی پیدائش ہوئی ۔