افطار میں آپ کے گھر می میں بھی سموسے، پکوڑے تو لازمی کھائے جاتے ہوں گے. ساتھ ہی چٹنی اور کیچپ وغیرہ کی فرمائش بھی ہوتی ہوگی. البتہ افطار کے وقت باہر کی کیمیکل والی چٹنیاں کھانے سے گلا خراب ہوجاتا ہے اس لئے آج ہم آدھی سے بھی کم لاگت میں بننے والی آلو بخارے کی چٹنی بنانا سکھائیں گے جس سے افطار کا لطف بھی دوبالا ہوجائے گا اور گلا بھی نہیں بیٹھے گا.
اس کے لئے ہمیں چاہیے آلو بخارا ایک پاؤ، املی ایک پاؤ، بادام کی گری دس عدد، چینی آدھا پاؤ، کشمش آدھا چھٹانک، لہسن چار جوے، ثابُت مرچ چار عدد، کلونجی ایک چائے کا چمچ، سفید سرکہ ½ پیالی، نمک آدھا چائے کا چمچ. مٹی کی ہانڈی.
سب سے پہلے آلو بخاروں کو گرم پانی میں بھگو کر نرم کرلیں اور ہاتھ سے اچھی طرح مسل کر اس میں املی کا گاڑھا رس ملادیں۔
اب ایک مٹی کی ہانڈی میں املی، آلو بخارے، چینی یا گڑھ، ابلے بادام، باریک کٹا لہسن،ثابت لال مرچ، کلونجی اورسفید سرکہ ڈال کر ہلکی آنچ پر اتنا پکائیں کے سب چیزیں ایک جان ہوجائیں اور گاڑھی چٹنی تیار ہوجائے.
لیجیے لذیذ کھٹی میٹھی چٹنی تیار ہے. اس کو ٹھنڈا کر کے بوتل میں رکھ لیں اور پورا مہینہ استعمال کریں.