شہر قائد میں گرج چمک کے ساتھ بارش کا امکان ظاہر کیا گیا ہے۔
تفصیلات کے مطابق طاقتور مغربی ہوائوں کا سلسلہ بلوچستان کسے جمعرات کی شب پاکستان میں داخل ہونے کا امکان ہے۔
کراچی میں اس سلسلے کی وجہ سے جمعہ (1 مارچ) اور ہفتے (2 مارچ) کو گرج چمک اور تیز ہوائوں کے ساتھ تیز بارشوں کا امکان ہے جبکہ کچھ مقامات پر ژالہ باری بھی متوقع ہے۔
بارش کے سسٹم کے بعد شہر قائد میں سردی کی شدید لہر اثر انداز ہوسکتی ہے جس کی وجہ سے یکم مارچ سے آئندہ 3 سے 4 روزکے دوران شہر کا درجہ حرارت کم ہوسکتا ہے۔