پاکستان سپر لیگ کے 12ویں میچ میں آج اتوار کو پشاور زلمی اور دفاعی چیمپیئن لاہور قلندرز قذافی سٹیڈیم لاہور میں مدمقابل ہیں۔اس وقت پشاور زلمی کی بیٹنگ جاری ہے، اب سے کچھ دیر پہلے تک پشاور زلمی نے 17 اوورز میں دو وکٹ کے نقصان پر 181 رنز بنائے ہیں۔رومن پاؤل وکٹ پر موجود ہیں۔صائم ایوب نے 88 رنز بنانے کے بعد سنچری کے لیے جدوجہد جاری رکھی۔پشاور زلمی کو پہلا نقصان اس وقت اٹھانا پڑا جب بابر اعظم اپنی نصف سنچری مکمل کرنی کی کوشش میں شاہین آفریدی کی گیند پر سکندر رضا کو کیچ دے بیٹھے۔ انہوں نے 48 رنز بنائے۔قبل ازیں لاہور قلندرز نے ٹاس جیت کر پشاور زلمی کے خلاف بولنگ کا فیصلہ کیا تھا۔پی ایس ایل سیزن 9 میں دونوں ٹیمیں آج پہلی مرتبہ آمنے سامنے ہیں۔ لاہور قلندرز کے کپتان شاہین شاہ آفریدی ہیں جبکہ پشاور زلمی کی کپتانی بابر اعظم کے سپرد ہے۔
لاہور قلندرز پی ایس ایل کے رواں ایڈیشن میں اب تک کوئی بھی فتح حاصل نہیں کر پائی ہے جبکہ پشاورزلمی کھیلے گئے تین میچز میں سے صرف ملتان سلطانز سے ایک میچ جیت سکی ہے۔
پوائنٹس ٹیبل پر پشاور زلمی دو پوائنٹس کے ساتھ پانچویں نمبر پر ہے جبکہ لاہور قلندرز کے پاس کوئی پوائنٹ نہیں ہے۔ لاہور قلندرز کا سکواڈ فخر زمان ، صاحبزادہ فرحان، وینڈر ڈوسن، شائے ہوپ، سکندر رضا، کارلوس بریتھ ویٹ، احسن بھٹی، جہان داد خان، شاہین شاہ آفریدی(کپتان)، محمد عمران، زمان خان پشاور زلمی کاسکواڈصائم ایوب ، بابر اعظم(کپتان)، محمد حارث، حسیب اللہ خان، رومن پاول، عارف یعقوب، آصف علی، پاؤل ولٹر، لُک وُڈ، نوین الحق، سلمان ارشاد