شوبز اداکار فیروز خان اور ان کی سابقہ اہلیہ کا معاملہ اس وقت کورٹ میں چل رہا ہے۔ جب سیدہ علیزے نے الزامات کے ساتھ طلاق کا اعلان کیا تب صارفین کے درمیان سوشل میڈیا پر تکلیف دہ اور بدسلوکی کے تعلقات کی باتیں زیر گردش رہیں۔
فیروز خان کو سوشل میڈیا صارفین کی جانب سے اس پوری صورتحال کا حقیقی معنوں میں ذمہ دار ٹھہرایا گیا ہے۔ وہ فیروز خان پر غم و غصے کا اظہار کر رہے ہیں۔ لوگوں نے علیزہ پر یقین کر تے ہوئے کہا کہ وہ ایک ناراض شخص ہے جو ہر چیز کو اپنے فائدے کے لیے استعمال کرتا ہے۔
حال ہی میں سیدہ علیزے نے عدالت کے سامنے وہ تمام ثبوت فراہم کیے جس کے مطابق سابقہ اہلیہ نے دعویٰ کیا ان کے شوہر فیروز خان کی جانب سے انہیں تشدد کا نشانہ بنایا گیا۔
شوبز کی اداکارہ مریم نفیس کی جانب سے اپنے سوشل میڈیا اکاؤنٹ پر علیزے کی تشدد شدہ تصاویر اسٹوری پر شئیر کیں۔ تصاویر میں دیکھا جا سکتا ہے کہ علیزے کے ہاتھ، بازو پر مار پیٹ کے بعد نشان نمودار ہوگئے ہیں اور ان کی ایک آنکھ بھی سوجی ہوئی ہے۔
تصاویر منظر عام پر آنے کے بعد مداحوں کو یقین نہیں آرہا کہ اور وہ اداکار فیروز خان کو شدید تنقید کا نشانہ بناتے ہوئے یہ مطالبہ کر رہے ہیں کہ عدالت فیروز کو سخت سے سخت سزا دے۔
خیال رہے کہ فیملی کورٹ نے علیزے سلطان کو بچے اپنے پاس رکھنے کی اور فیروز خان کو ایک ماہ میں 2 بار اپنے بچوں سے ملنے کی اجازت دے دی ہے لیکن ساتھ ہی عدالت نے اداکار کے سامنے یہ شرط رکھی ہے کہ جب بھی وہ بچوں سے ملنے جائیں گے تو پہلے اپنا CNIC اور پاسپورٹ عدالت میں جمع کروائیں گے۔
سوشل میڈیا صارفین نے کس طرح غم و غصے کا اظہار کیا دیکھیے تبصرے۔