چند روز قبل سوشل میڈیا پر ایک خبر وائرل ہوئی تھی جس میں عظیم اللہ قریشی نامی ایک شخص خدا اور محبت میں اداکاری کے جوہر دکھانے والے اداکار فیروز خان کی طرح حضرت شاہ شمس تبریز کے مزار پر جا کر بیٹھا جاتا ہے۔ اور ہر جمعہ کے روز اور اپنی محبت کی یاد میں گم رہتا ہے۔
ساتھ ہی ساتھ تسبیح پڑھتا رہتا ہے اور اللہ پاک سے دعاگو رہتا ہے کہ جس طرح اداکار فرہاد کو اس کی محبت کا دیدار کروا دیا اسے بھی یوں ہی ملوا دے۔
اب اسی حوالے سے اداکار فیروز خان نے اپنے ایک انٹرویو میں اپنی رائے کا اظہار کیا ہے۔
فیروز خان نے اس حوالے سے بات کرتے ہوئے کہا کہ ہم یہ بھول جاتے ہیں کہ آج کل ہم ایسے وقت سے گزر رہے ہیں جہاں لوگ شہرت کے لیے کچھ بھی کر سکتے ہیں۔ وہ کسی بھی انتہا کو جا سکتے ہیں۔
اداکار نے کہا کہ وہ انہیں اس بات کا احساس ہی نہیں ہے کہ وہ ملک اور معاشرے کو مسلسل نقصان پہنچا رہے ہیں۔
فیروز خان کو سوشل میڈیا پر منفی کاموں کی تشریح کے خیالات پسند نہیں آئے، انہوں نے کہا کہ حالیہ دنوں میں ہم نے دیکھا کہ سوشل میڈیا پر ایسی چیزوں کو کس طرح منفی انداز میں بنا کر پیش کیا گیا جو کہ حقیقت میں کبھی موجود ہی نہیں تھیں۔
انہوں نے کہا کہ میں ایسے چیزوں سے دور رہتا ہوں جن میں کوئی حقیقت نہیں ہوتی۔