کیسی ھوا چلی

نہ وہ رت رھی نہ وہ گل رھے نہ ھوا رھی نہ صبا رھی
نہ وہ قمریاں نہ وہ چہچہے نہ وہ بلبلوں کی نوا رھی

وہ جو نور تھا وہ چلا گیا تو چراغ دل کا بجھا گیا
نہ وہ بے کلی میں مزا رھا نہ وہ تیرگی میں ضیا رھی

میری ھر زمیں ھے لہو لہو میرا ھر چمن بھی ھے بے نمو
نہ وہ کونپلیں نہ وہ ٹہنیاں نہ وہ موسموں کی ادا رھی

نہ وہ عشق ھے نہ وہ شوق ھے نہ وہ دار ھے نہ وہ ذوق ھے
نہ وہ سر رھا نہ سزا رھی نہ علم رھا نہ وقا رھی

وھی شھر تھا کہ نہ کچھ رھا اے سدید کیسی ھوا چلی
نہ وہ شھر ھے نہ وہ لوگ ھیں نہ ردا رھی نہ قبا رھی