کوئی تو نازک مزاج ہوتا
Poet: Hafeez Javed By: Muhammad Hafeez Javed, Attockاداس دل کی اداس باتیں
سمجھنے والا کوئی تو ہوتا
کہ جس کی باتوں سے دل سبھلتا
کہ جس کی سنگت میں دل بہلتا
جس کی ہلکی سی اک جھلک بھی
ہمارے دکھ کو سمیٹ لیتی
فلک سے خوشیاں انڈیل دیتی
یا اُس کی نازک سی مسکراہٹ
دن کی سبھی تھکاوٹ کو دور کرتی
یا پھر چمکتی وُہ آنکھیں اُس کی
ہماری ہستی کا راز ہوتیں
ہمارے دُکھ کی کتاب ہوتیں
جو ہم کو چاہتا، ہم کو پڑھتا
گزرتے لمحوں کی سختیوں میں
کوئی تو نازک مزاج ہوتا
کوئی تو ہوتا
Rate it: 
Views: 543
11 Jul, 2011
More Love / Romantic Poetry
