محبت میں ہے گہرائی مسلسل

محبت میں ہے گہرائی مسلسل
نہ مانو تو ہے رسوائی مسلسل

یہ دل کب مانتا ہے بات میری
اسے ہر بات سمجھائی مسلسل

کسی جانب نہیں جاتی یہ آندھی
مرے گھر کی طرف آئی مسلسل

اسے شہرت ہے نادانی نے بخشی
مجھے کھاتی ہے دانائی مسلسل

چھپا تھا راز کیا اس بات میں جو
کسی نے بات بتلائی مسلسل

میرے اس گھر کے واحد آئینے نے
تری تصویر دکھلائی مسلسل

جنازہ جب اٹھا اپنا تو جاناں
بجی کو چے ہیں تنہائی مسلسل

وہ جس کے ساتھ سلمیٰ رونقیں تھیں
گیا ہے تو ہے تنہائی مسلسل