غبار وقت کے گر آر پار دیکھئے گا
Poet: احمد شہریار By: فیضان, Swatغبار وقت کے گر آر پار دیکھئے گا
تو ایک پل میں مرا شہسوار دیکھئے گا
میں ایک بار اسے پھیروں گا اپنی گردن پر
اور آپ بس مرے خنجر کی دھار دیکھئے گا
کسی کا نقش نہیں باندھئے گا آنکھوں میں
جسے بھی دیکھیے آئینہ وار دیکھئے گا
کبھی نہ لوٹ کے آئیں گے آپ جانتا ہوں
پر آئیے تو مرا انتظار دیکھئے گا
نہ دستکیں نہ صدا کون در پہ آیا ہے
فقیر شہر ہے یا شہریار دیکھئے گا
Rate it: 
Views: 382
11 Nov, 2021
More Sad Poetry
