زندگی میری تو ہے پر میری کہلاتی نہیں

ہے مسلسل ساتھ میرے چھوڑ کر جاتی نہیں
یاد تڑپاتی ہے لیکن دل کو بہلاتی نہیں

تشنگی وارفتگی بڑھتی ہی رہتی ہے مگر
میرے چاہت کی گھٹا برسات برساتی نہیں

میرے اللہ میرے مالک میرے مولا میرے داتا
میرے دل کی کیوں بھلا امید بر آتی نہیں

مجھ کو تنہا ظلمتوں میں یوں اکیلے چھوڑ کر
تم گئی ہو، تو یہ تیری یاد کیوں جاتی نہیں

کیوں بہت ہو الجھی الجھی آجکل تم جانِ جاں
پوچھتا ہوں میں مگر وہ کچھ بھی کہہ پاتی نہیں

میں ہوں تجھ سے ،تم ہو مجھ سے ھرگھڑی کیوں کر خفا
زندگی تو کیوں مجھے اب چھوڑ کر جاتی نہیں

ڈور میری زندگی کا میرے ہاتھوں میں نہیں
زندگی میری تو ہے پر میری کہلاتی نہیں