روحِ من کی سالگرہ پر نغمہء دعا

چمکتا چاند نئی زندگی مبارک ہو
تمہیں یہ روشنیوں کی گھڑی مبارک ہو

سجا ہے جشنِ تمنا کا کارواں دل میں
تمہیں یہ سالگرہ کی خوشی مبارک ہو

مہک اُٹھا ہے فلک، مسکرائی ہے دھرتی
فضا میں گھل گئی ہر تازگی مبارک ہو

کھِلے ہیں پھول نئے، گنگنا رہی ہے صبا
تمہیں یہ نغمگی، یہ شاعری مبارک ہو

فلک سے اترے دعا، چوم لے تمہیں آ کر
تمہیں یہ رب کی عطا، بندگی مبارک ہو

محبتوں کی گھٹائیں برس رہی ہیں یہاں
تمہیں یہ چاہتوں کی روشنی مبارک ہو

تری نگاہوں میں بستی رہے بہاروں کی لو
تمہیں یہ لمس بھری دلکشی مبارک ہو

ہے قلبِ عادلؔ میں یہ تمنا عرصے سے
تمہیں یہ ہنستی ہوئی زندگی مبارک ہو