جواب نہیں ہے

واپڈا کی لوڈ شیڈنگ کا حساب نہیں ہے
ہمارے نلکے میں چلو بھر آب نہیں ہے

یوں تو سارا محکمہ ہی مچھندر ہے لیکن
تھانیدار کی موچھوں کا جواب نہیں ہے

جو پل بھر میں بکرے کی چمڑی نہ ادھیڑے
قصائی تو ہے مگر قصاب نہیں ہے

پاس ہونے کے لئے سفارش کو بنائے سیڑھی
پاس ہے وہ طالب علم کامیاب نہیں ہے

جو عوام کو بنائے بیوقوف اپنی تقریروں سے
گفتار کا غازی ایسا لیڈر نایاب نہیں ہے

اندھی تقلید اہل مغرب کی کیے جاتے ہو
یہ نہ سمجھنا کہ انکی زندگی عذاب نہیں ہے