تیری آنکھوں میں دیوانگی دیکھی ہے
Poet: UA By: UA, Lahoreتیری آنکھوں میں بیگانگی دیکھی ہے
تیری آنکھوں میں دیوانگی دیکھی ہے
تیری آنکھیں تیری آنکھیں نہیں رہیں
تیرا چہرہ تیرا چہرہ نہیں رہا
تیرے وجود میں رقص دِکھائی دیتا ہے
تو کسی اور کا عکس دِکھائی دیتا ہے
تو نے دن کے اجالوں میں اپنا آپ گنوایا ہے
تیرے اطراف میں کسی اور کا سایا ہے
تو خود سے بے نیاز ہے خود آشنا نہیں رہا
بیخودی سراسیمگی حیرانگی دیکھی ہے
تیری آنکھوں میں بیگانگی دیکھی ہے
تیری آنکھوں میں دیوانگی دیکھی ہے
Rate it: 
Views: 533
10 Nov, 2014
More General Poetry
