اگر یہ جان جاو تم تو میرے پاس آنا تم

اگر یہ جان جاؤ تم
تو میرے پاس آنا تم
میری بنجر ہوتی آنکھوں میں جلتے خواب کو دیکھنا
اور اِن کا مرثیہ سُننا
اگر ایسا نہیں ممکن
تو میری زندگی کی ڈائری کو کھول پڑھنا
کہ
اِس کے ہر ورق پر آنسوؤں کی مات لکھی ہے
جو آپ سے کہہ نہیں پایا
وہ ہر وقت کی بات لکھی ہے
بدل جاو پگھل جاو
کہیں ایسا نہ ہو
یہ وقت ہاتھوں سےپھسل جاۓ
رشتہ ہی بدل جاۓ
اگر کھو گیا میں تو پھر سبھی کچھ چُھوٹ جاۓ گا
مقدر رُوٹھ جاۓ گا
تو پھر تم جان جاؤ گے
کوئی کیسے اُجڑتا ہے
کوئی کیسے بکھرتا ہے