اُس کا میرے گھر پہ آنا کتنا اَچھا لگتا تھا
Poet: wasim ahmad moghal By: wasim ahmad moghal, lahoreاُس کا میرے گھر پہ آنا ۔۔۔۔۔۔۔۔.۔۔۔کتنا اَچھا لگتا تھا
خوابوں میں یہ خواب سُہانا ۔۔۔۔۔۔۔۔۔کتنا اَچھا لگتا تھا
رنگوں میں تھا رنگ وفا کا یا پھر تیری۔۔۔۔۔ شرم وحیا کا
دیکھ کے مجھ کو یوں شرمانا ۔۔۔۔۔۔.۔۔۔کتنا اَچھا لگتا تھا
خوشبو تیری زُلفِ دَتا کی یا پھر تیرے ۔۔۔۔دستِ حِنا کی
قلب و نظر میں جِس کو بَسانا ۔۔۔۔۔۔۔۔کتنا اَچھا لگتا تھا
مجھ کو دیکھنا کن اَکھیوں سے باتیں کرنا جب سکھیوں سے
لیکن مجھ سے آنکھ چُرانا۔۔۔۔۔۔۔.۔۔۔ کتنا اَچھا لگتا تھا
پوچھنا میرا یار چلو گےتاروں کے۔۔۔.۔ اُس پار چلو گے
کچھ سوچنا اور پھرکہنا اَچھا ۔۔۔۔۔۔..۔۔کتنا اَچھا لگتا تھا
ہم تَو ہمیشہ ساتھ رہیں گےہاتھ میں ڈالے ہاتھ رہیں گے
سچے دل سے قسمیں کھانا ۔۔۔۔۔۔۔۔۔کتنا اَچھا لگتا تھا
پوچھو تَو اِنکار سراپا لیکن۔۔۔۔۔۔۔۔۔۔۔ وہ اَنداز بلا کا
جاتے جاتے رُک رُک جانا ۔۔۔۔۔۔۔۔کتنا اَچھا لگتا تھا
نظروں کا وہ اُٹھ اُٹھ جانامنہ سے لیکن ۔۔۔۔کچھ نہ کہنا
جاتے جاتے ہاتھ ہلانا ۔۔۔۔۔۔۔۔۔۔۔کتنا اَچھا لگتا تھا
اُس سے دل کا راز چھپانا کچھ کچھ ہوں ہاں۔۔۔ کہتے جانا
شعروں میں پھر حال سنانا ۔۔۔۔۔۔۔۔کتنا اَچھا لگتا تھا
یاد ہیں مجھ کو بھیگی راتیں چاند سے کرنا ۔۔۔تیری باتیں
تاروں کا پھرگیت سنانا۔۔۔۔۔۔۔۔.۔کتنا اَچھا لگتا تھا
یاد ہےوہ صبح کا تارہ ننھا مُنا۔۔۔۔۔۔…..۔۔پیارا پیارا
دُکھ سُکھ کا وہ ساتھی اپنا۔۔۔۔۔…….۔کتنا اَچھا لگتا تھا
تازہ رستے زخم ہمارے یہ بھی خوب ہیں لیکن پیارے
میٹھا میٹھا درد پُرانا۔۔۔۔۔۔۔۔۔۔۔۔ کتنا اَچھا لگتا تھا
ٹوٹتے جب کوئی تارہ دیکھا ڈوب نہ جائے ہاتھ کی ریکھا
جاناں تیرا یوں گھبرانا ۔۔۔۔۔۔۔۔۔۔کتنا اَچھا لگتا تھا
پیارے غم کو بھول نہ جاؤ عشق میں اتنا۔۔ پھول نہ جاؤ
تیرا مجھ کو یہ فرمانا ۔۔۔۔۔۔۔۔۔۔۔۔کتنا اَچھا لگتا تھا
یاد ہیں مجھ کو بہتی آنکھیں وقتِ وداع یہ کہتی آنکھیں
جانی مجھ کو بھول نہ جانا ۔۔۔۔۔۔۔۔کتنا اَچھا لگتا تھا
رخساروں تک وہ پھیلا کاجل..کالا ہو ہو جائےآنچل
اُس آنچل کو پھر لہرانا ۔۔۔۔۔..۔۔۔کتنا اَچھا لگتا تھا
راہِ نیکی میں تو سچے لوگ بھی ٹوٹ جاتے ہیں
دوست جو ساتھ تھے کبھی نڈر ہمارے اے میاں
وقت کے ساتھ وہ سبھی ہم سے اب چھوٹ جاتے ہیں
ہم چھپائیں کس طرح سے اب محبت کا اثر
دل کے گوشوں سے وہ جذبے خود ہی اب پھوٹ جاتے ہیں
کچھ جو خوابوں کے نگر میں لوگ تھے نکھرے ہوئے
ہو کے بکھرے وہ ہوا کے ساتھ ہی لوٹ جاتے ہیں
جو کیے تھے ہم نے دل کے اس سفر میں وعدے سب
وقت کی قید میں وہ سارے ہم سے اب روٹھ جاتے ہیں
پھول کی خوش بو کی صورت تھی ہماری یہ وفا
یاد کے عالم میں اب وہ سب ہی بس چھوٹ جاتے ہیں
مظہرؔ اب کہتے ہیں یہ سب ہی فسانے پیار کے
کچھ حسیں لمحے بھی دل سے اب تو اتر جاتے ہیں
خواب بکھرے ہیں مرے اس دل کے ہی ویرانے میں
ہم کو تنہا کر دیا احساس کی اس دنیا نے
جیتے ہیں ہم جیسے جلتے ہوں کسی پیمانے میں
ہر قدم ٹھوکر ملی ہے، ہر جگہ دھوکا ملا
پھر بھی تیری یاد آئی ہے ہمیں زمانے میں
اپنے ہی گھر سے ملے ہیں ہم کو اتنے دکھ یہاں
بے وفا نکلے سبھی رشتے اسی خزانے میں
شمعِ امید اب تو آہستہ سے بجھنے لگی ہے
آگ سی اک لگ گئی ہے دل کے اس کاشانے میں
ہر سخن خاموش تھا اور ہر زباں تنہا ملی
غم ہی غم گونجا ہے اب تو بھیگے ہر ترانے میں
دل جسے سمجھا تھا اپنا سب ہی کچھ اے مظہرؔ
اب وہ بھی تو مل نہ سکا ہم کو کسی بہانے میں
نیک سیرت لوگ ہی دنیا میں روشن ہوتے ہیں
جس کی گفتار و عمل میں ہو مہک اخلاق کی
ایسے ہی انسان تو گویا کہ گلشن ہوتے ہیں
نرم لہجہ ہی بناتا ہے دلوں میں اپنی جگہ
میٹھے بول ہی تو ہر اک دل کا مسکن ہوتے ہیں
جن کے دامن میں چھپی ہو عجز و الفت کی ضیا
وہی تو اس دہر میں پاکیزہ دامن ہوتے ہیں
بات کرنے سے ہی کھلتا ہے کسی کا مرتبہ
لفظ ہی تو آدمی کے دل کا درپن ہوتے ہیں
جو جلاتے ہیں وفا کے دیپ ہر اک موڑ پر
وہی تو اس تیرگی میں نورِ ایمن ہوتے ہیں
تلخ باتوں سے تو بس پیدا ہوں دوریاں سدا
اچھے الفاظ ہی تو الفت کا کندن ہوتے ہیں
مظہرؔ اب اپنے سخن سے تم مہکا دو یہ جہاں
اہلِ دانش ہی تو علم و فن کا خرمن ہوتے ہیں
وقت آئے گا تو سورج کو بھی رَستہ دِکھا دیں
اَپنی ہستی کو مٹایا ہے بڑی مُشکل سے
خاک سے اُٹھیں تو دُنیا کو ہی گُلشن بنا دیں
ظُلمتِ شب سے ڈرایا نہ کرو تم ہم کو
ہم وہ جگنو ہیں جو صحرا میں بھی شَمعیں جلَا دیں
اَہلِ دُنیا ہمیں کمزور نہ سمجھیں ہرگز ہم وہ
طُوفاں ہیں جو پل بھر میں ہی بَستی مِٹا دیں
خامشی اپنی علامَت ہے بڑی طاقت کی
لَب ہلیں اپنے تو سوئے ہوئے فتنے جگا دیں
ہم نے سیکھا ہے سَدا صَبر و قناعت کرنا
وَرنہ چاہیں تو سِتاروں سے ہی مَحفل سَجا دیں
راہِ حق میں جو قدم اپنے نِکل پڑتے ہیں
پھر تو ہم کوہ و بیاباں کو بھی رَستہ دِکھا دیں
مظہرؔ اَب اپنی حقیقت کو چھُپائے رَکھنا
وقت آئے گا تو ہم سَب کو تماشا دِکھا دیں
