آ کر قریب دور تو جایا نہ کیجیے (گیت)
Poet: Dr.Zahid Sheikh By: Dr.Zahid Sheikh, Lahore Pakistanآ کر قریب دور تو جایا نہ کیجیے
یوں روز روز مجھ کو ستایا نہ کیجیے
رہتی ہے میرے دل کو محبت کی آرزو
شام و سحر ہے آپ کے جلوں کی جستجو
انکار کر کے دل کو جلایا نہ کیجیے
یوں روز روز مجھ کو ستایا نہ کیجیے
چھو لوں حسین ریشمی زلفوں کو آپ کی
دل چاہتا ہے چوم لوں پلکوں کو آپ کی
پلکیں اٹھا کے ان کو جھکایا نہ کیجیے
یوں روز روز مجھ کو ستایا نہ کیجیے
اک شام میرے نام تو کر دیجیے حضور
اس دل کو اپنے پیار سے بھر دیجیے حضور
دامن وفا کا مجھ سے چھڑایا نہ کیجیے
یوں روز روز مجھ کو ستایا نہ کیجیے
آ کر قریب دور تو جایا نہ کیجیے
یوں روز روز مجھ کو ستایا نہ کیجیے
Rate it: 
Views: 982
09 Dec, 2013
More Love / Romantic Poetry
