Ulti Ho Gain Sab Tadbiren Kuchh Na Dawa Ne Kaam Kiya
Poet: Mir Taqi Mir By: Khawaja Mussadiq Rafiq, KarachiUlti Ho Ga.Iin Sab Tadbiren Kuchh Na Dava Ne Kaam Kiya
Dekha Is Bimari-E-Dil Ne Akhir Kaam Tamam Kiya
Ahd-E-Javani Ro Ro Kaata Piiri Men Liin Ankhen Muund
Ya.Ani Raat Bahut The Jaage Sub.H Hui Aram Kiya
Harf Nahin Jan-Bakhshi Men Us Ki Khubi Apni Qismat Ki
Ham Se Jo Pahle Kah Bheja So Marne Ka Paiġham Kiya
Nahaq Ham Majburon Par Ye Tohmat Hai Mukhtari Ki
Chahte Hain So Aap Karen Hain Ham Ko Abas Badnam Kiya
Saare Rind Aubash Jahan Ke Tujh Se Sujud Men Rahte Hain
Banke Tedhe Tirchhe Tikhe Sab Ka Tujh Ko Imaam Kiya
Sarzad Ham Se Be-Adabi To Vahshat Men Bhi Kam Hi Hui
Koson Us Ki Or Ga.E Par Sajda Har Har Gaam Kiya
Kis Ka Ka.Aba Kaisa Qibla Kaun Haram Hai Kya Ehram
Kuche Ke Us Ke Bashindon Ne Sab Ko Yahin Se Salam Kiya
Shaikh Jo Hai Masjid Men Nanga Raat Ko Tha Mai-Khane Men
Jubba Khirqa Kurta Topi Masti Men In.Aam Kiya
Kaash Ab Burqa Munh Se Utha De Varna Phir Kya Hasil Hai
Aankh Munde Par Un Ne Go Didar Ko Apne Aam Kiya
Yaan Ke Sapid O Siyah Men Ham Ko Dakhl Jo Hai So Itna Hai
Raat Ko Ro Ro Sub.H Kiya Ya Din Ko Juun Tuun Shaam Kiya
Sub.H Chaman Men Us Ko Kahin Taklif-E-Hava Le Aa.I Thi
Rukh Se Gul Ko Mol Liya Qamat Se Sarv Ġhulam Kiya
Sa.Ad-E-Simin Donon Us Ke Haath Men La Kar Chhod Diye
Bhule Us Ke Qaul-O-Qasam Par Haa.E Khayal-E-Kham Kiya
Kaam Hue Hain Saare Zaa.E.A Har Saa.At Ki Samajat Se
Istiġhna Ki Chauguni Un Ne Juun Juun Main Ibram Kiya
Aise Ahu-E-Ram-Khurda Ki Vahshat Khoni Mushkil Thi
Sehr Kiya E.Ajaz Kiya Jin Logon Ne Tujh Ko Raam Kiya
'Mir' Ke Din-O-Maz.Hab Ko Ab Puchhte Kya Ho Un Ne To
Qashqa Khincha Dair Men Baitha Kab Ka Tark Islam Kiya
پات ہرے ہیں پھول کھلے ہیں کم کم باد و باراں ہے
رنگ ہوا سے یوں ٹپکے ہے جیسے شراب چواتے ہیں
آگے ہو مے خانے کے نکلو عہد بادہ گساراں ہے
عشق کے میداں داروں میں بھی مرنے کا ہے وصف بہت
یعنی مصیبت ایسی اٹھانا کار کار گزاراں ہے
دل ہے داغ جگر ہے ٹکڑے آنسو سارے خون ہوئے
لوہو پانی ایک کرے یہ عشق لالہ عذاراں ہے
کوہ کن و مجنوں کی خاطر دشت و کوہ میں ہم نہ گئے
عشق میں ہم کو میرؔ نہایت پاس عزت داراں ہے
اس راہ میں وے جیسے انجان نکلتے ہیں
کیا تیر ستم اس کے سینے میں بھی ٹوٹے تھے
جس زخم کو چیروں ہوں پیکان نکلتے ہیں
مت سہل ہمیں جانو پھرتا ہے فلک برسوں
تب خاک کے پردے سے انسان نکلتے ہیں
کس کا ہے قماش ایسا گودڑ بھرے ہیں سارے
دیکھو نہ جو لوگوں کے دیوان نکلتے ہیں
گہ لوہو ٹپکتا ہے گہ لخت دل آنکھوں سے
یا ٹکڑے جگر ہی کے ہر آن نکلتے ہیں
کریے تو گلہ کس سے جیسی تھی ہمیں خواہش
اب ویسے ہی یہ اپنے ارمان نکلتے ہیں
جاگہ سے بھی جاتے ہو منہ سے بھی خشن ہو کر
وے حرف نہیں ہیں جو شایان نکلتے ہیں
سو کاہے کو اپنی تو جوگی کی سی پھیری ہے
برسوں میں کبھو ایدھر ہم آن نکلتے ہیں
ان آئینہ رویوں کے کیا میرؔ بھی عاشق ہیں
جب گھر سے نکلتے ہیں حیران نکلتے ہیں
پیشانی پر ہے قشقہ زنار ہے کمر میں
نازک بدن ہے کتنا وہ شوخ چشم دلبر
جان اس کے تن کے آگے آتی نہیں نظر میں
سینے میں تیر اس کے ٹوٹے ہیں بے نہایت
سوراخ پڑ گئے ہیں سارے مرے جگر میں
آئندہ شام کو ہم رویا کڑھا کریں گے
مطلق اثر نہ دیکھا نالیدن سحر میں
بے سدھ پڑا رہوں ہوں اس مست ناز بن میں
آتا ہے ہوش مجھ کو اب تو پہر پہر میں
سیرت سے گفتگو ہے کیا معتبر ہے صورت
ہے ایک سوکھی لکڑی جو بو نہ ہو اگر میں
ہمسایۂ مغاں میں مدت سے ہوں چنانچہ
اک شیرہ خانے کی ہے دیوار میرے گھر میں
اب صبح و شام شاید گریے پہ رنگ آوے
رہتا ہے کچھ جھمکتا خوناب چشم تر میں
عالم میں آب و گل کے کیونکر نباہ ہوگا
اسباب گر پڑا ہے سارا مرا سفر میں
شمع روشن کے منہ پہ نور نہیں
کتنی باتیں بنا کے لاؤں ایک
یاد رہتی ترے حضور نہیں
خوب پہچانتا ہوں تیرے تئیں
اتنا بھی تو میں بے شعور نہیں
قتل ہی کر کہ اس میں راحت ہے
لازم اس کام میں مرور نہیں
فکر مت کر ہمارے جینے کا
تیرے نزدیک کچھ یہ دور نہیں
پھر جئیں گے جو تجھ سا ہے جاں بخش
ایسا جینا ہمیں ضرور نہیں
عام ہے یار کی تجلی میرؔ
خاص موسیٰ و کوہ طور نہیں
پر تمامی عتاب ہیں دونوں
رونا آنکھوں کا روئیے کب تک
پھوٹنے ہی کے باب ہیں دونوں
ہے تکلف نقاب وے رخسار
کیا چھپیں آفتاب ہیں دونوں
تن کے معمورے میں یہی دل و چشم
گھر تھے دو سو خراب ہیں دونوں
کچھ نہ پوچھو کہ آتش غم سے
جگر و دل کباب ہیں دونوں
سو جگہ اس کی آنکھیں پڑتی ہیں
جیسے مست شراب ہیں دونوں
پاؤں میں وہ نشہ طلب کا نہیں
اب تو سرمست خواب ہیں دونوں
ایک سب آگ ایک سب پانی
دیدہ و دل عذاب ہیں دونوں
بحث کاہے کو لعل و مرجاں سے
اس کے لب ہی جواب ہیں دونوں
آگے دریا تھے دیدۂ تر میرؔ
اب جو دیکھو سراب ہیں دونوں
کیا پوچھتے ہو الحمدللہ
مر جاؤ کوئی پروا نہیں ہے
کتنا ہے مغرور اللہ اللہ
پیر مغاں سے بے اعتقادی
استغفر اللہ استغفر اللہ
کہتے ہیں اس کے تو منہ لگے گا
ہو یوں ہی یا رب جوں ہے یہ افواہ
حضرت سے اس کی جانا کہاں ہے
اب مر رہے گا یاں بندہ درگاہ
سب عقل کھوئے ہے راہ محبت
ہو خضر دل میں کیسا ہی گمراہ
مجرم ہوئے ہم دل دے کے ورنہ
کس کو کسو سے ہوتی نہیں چاہ
کیا کیا نہ ریجھیں تم نے پچائیں
اچھا رجھایا اے مہرباں آہ
گزرے ہے دیکھیں کیوں کر ہماری
اس بے وفا سے نے رسم نے راہ
تھی خواہش دل رکھنا حمائل
گردن میں اس کی ہر گاہ و بیگاہ
اس پر کہ تھا وہ شہ رگ سے اقرب
ہرگز نہ پہنچا یہ دست کوتاہ
ہے ماسوا کیا جو میرؔ کہیے
آگاہ سارے اس سے ہیں آگاہ
جلوے ہیں اس کے شانیں ہیں اس کی
کیا روز کیا خور کیا رات کیا ماہ
ظاہر کہ باطن اول کہ آخر
اللہ اللہ اللہ اللہ
