Raashi Ki Dua(rooh e iqbal se maazrat ke saath)

Lab Pe Aati Hai Dua Ban Ke Tamanna Meri
Zindgi Pulsiay Ki Soorat Ho Khudaya Meri

Door Duniyaa Ka Meray Dam Se Swera Ho Jai
Her Jagah Meray Tapaknay Se Dhmaaka Ho Jai

Iss Tarah Ho Meray Ohday Aur Wardi Ki Qeemat
Jiss Tarah Juway Main Lagti Hai Crickter Ki Qeemat

Zindgi Ho Meri Patwaari Ki Soorat Ya Rab
Rishwat Ki Dolat Se Ho Mujh Ko Muhabbat Ya Rab

Ho Mera Kaam Faqt Mukk Mukaai Kerna
Dardmandon Ki,Ghareebon Ki Thukaai Kerna

Meray Allah Ehtisaab Main Na Phansaana Mujh Ko
Naik Jo Raah Ho Uss Rah Se Bachaana Mujh Ko