Haal Mat Pooch Ishq Karne Ka

Haal Mat Pooch Ishq Karne Ka
Umar Jeene Ki Shoq Marne Ka

Wo Mohabbat Ki Ahtiyat Ke Din
Haye Mosam Wo Khud Se Darne Ka

Ab Usay Aaine Se Nafrat Hai
Kal Jise Shoq Tha Sanwarne Ka

Khud Kashi Ko Bhi Raigaan Na Samajh
Kaam Ye Bhi Hai Kar Guzarne Ka

Umar Bhar Ke Azaab Se Mushkil
 Aik Lamha Sawal Karne Ka

Khoon Rona Bhi Ek Hunar Thehra
Baanjh Mosam Mein Rang Bharne Ka

Toot'te Dil Ko Shoq Hai MOHSIN
Soorat_E_Barg Gul Bikharne Ka