Ek Jazba-E-Khilqat Se Saman Bana Tha

Ek Jazba Khilqat Se Ye Saman Bana Tha
Khaliq Ki Mohabbat Se Hi Insan Bana Tha

Raton Ki Udasi Mein Tujhe Sochta Raha
Aur Teri Mohabbat Ki Bhi Pehchan Bana Tha

Andaz-E-Mohabbat Pe Bhi Tera Chand Gawa Hai
Jazbat Ki Rao Mein Tera Iman Bana Tha

Ahsaas K Ghunchon Se Chatakhna Main Ne Seekha
Too Mere Takhyul Ka Bhi Wajdan Bana Tha

Wo Waqt Mere Deeda-E-Tar Mein Hai Abhi Tak
Tere Lehje Se Deeda-E-Hairan Bana Tha

Dil Mein Teri Yadon K Siwa Kuch Bhi Nahi Hai
KASHIF Jo Tere Takht Ka Sultan Bana Tha