Bhali Si Shakal

Bhalay Dino Ki Baat Hay Bhali Si Ek Shakal Thi
Na Ye K Husan Tamam Ho Na Dekhne May Aam Si

Na Ye K Wo Chalay Tu Kehkashan Si Rahguzar Lagay
Magar Wo Saath Ho Tau Phir Bhala Bhala Safar Lagay

Na Aisi Khush Libasian K Aaeena Gila Kare
Na Itni Betakallufi K Aaeena Haya Kare

Na Aashiqi Junoon Ki K Zindagi Azaab Ho
Na Is Qadar Kathorpan K Zindagi Kharab Ho

So Eik Roz Kia Hua Wafa Pay Bahees Chir Gayee
May Ishq Ko Amar Kahoon Wo Meri Zid Se Chir Gayee

May Ishq Ka Aseer Tha Wo Ishq Ko Qafas Kahe
K Umr Bhar K Saath Ko Wo Badtar Az Hawas Kahe

Na Usko Mujhper Maan Tha Na Mujhko Usper Zom He
Jo Ehed Bhi Koi Na Ho Tu Kia Gham-E-Shikastagi

So Apna Apna Raasta Hansi Khushi Badal Dya
Wo Apni Raah Chal Pari May Apni Raah Chal Dya

Bhalay Dino Ki Baat Hay Bhali Si Eik Shakal Thi
Ab Uski Yaad Raat Din Nahe Magar Kabhi Kabhi