Beti

Beti Har Eik Ghar Ki Zarorat Ka Naam Hai
Beti Har Eik Fard Ki Chahat Ka Naam Hai

Zehmat Tum Apni Beti Ko Hargis Na Sochna
Beti Khuda Ki Di Huwi Rehmat Ka Naam Hai

Wo Khush Naseeb Hain Jinhe Beti Ata Huwi
 Beti To Apne Baap Ki Izzat Ka Naam Hai

Beta To Apne Baap Ka Waris Zaroor Hai
Beti Dar Asl Baap Ki Dawlat Ka Naam Hai

Tareq Jab Arab Ki Padha To Pata Chala
 Beti Ko Khatal Karna Jahalat Ka Naam Hai

Maa Hai Kahen Bahen Kahen Zauja Kahen Bahu
Beti Ye Saare Rishton Ki Surat Ka Naam Hai

Shayan Likh Ke Beti Pa Ashaar Keh Gaya
 Beti Meri Lughat Me Mohabbat Ka Naam Hai