Ab Keh Dalo To Bahtar Hai

Dil Bethe Tujh Pe Haar Piya
Kar Tu Bhi Hum Se Pyar Piya

Ab Dard Ka Darman Kon Banay
Hum Barson Se Bemaar Piya

In Galyon Main Kuch Bhool Gaye
Dil Roye Zaar-O-Zaar Piya

Kyun Chup Chup Gum Gum Rehte Ho
Yeh Pochen Hum Se Yaar Piya

Kuch Dil Bhi Bojhal Bojhal Hai
Kuch Yaadon Ka Ambaar Piya

Hum Tujh Se Hain Naraz Bohat
Yeh Bhol Gaye Har Baar Piya

"Ik Khawab Ajab Sa Dekha Tha
Hum Us Din Se Bezaar Piya"

Ab Nend B Hum Se Roth Gae
Phir Kase Ho Deedar Piya

Ab Keh Dalo To Bahtar Hai
Jo Karna Hai Iqrar Piya