یہ پھول یہ کتاب میرا مسئلہ نہیں

یہ پھول یہ کتاب میرا مسئلہ نہیں
اے دل یہ شہر خواب میرا مسئلہ نہیں

میری سیاہ رات میری کائنات ہے
یہ مہر و ماہتاب میرا مسئلہ نہیں

یہ دشت پر ملال میرے حسب حال ہے
ہنستا ہوا گلاب میرا مسئلہ نہیں

جس دن سے اس کے آنے کی امید بجھ گئی
یہ صح آبتاب میرا مسئلہ نہیں

دنیا کو چاہتا ہوں اپنوں کے واسطے
یہ خانماں خراب میرا مسئلہ نہیں

میں دل ہوں میرے دوست میرا مسئلہ ہے عشق
ناکام و کامیاب میرا مسئلہ نہیں