نہ کوئی رنگ ، نہ خوشبو، نہ ذائقہ کوئی
Poet: نور الشعور By: نور الشعور, Karachiنہ کوئی رنگ، نہ خوشبو، نہ ذائقہ کوئی
نہیں ہے پانی کا پھر بھی مقابلہ کوئی
اے راہبر! ذرا دھیرے ، ہیں کارواں میں ضعیف
سفر ہے سخت ، بدل لے نا راستہ کوئی
بس ایک رسمِ جہاں ہے گلے لگا لینا
کہاں دلوں کا ہے آپس میں رابطہ کوئی
کسی کا عزمِ جواں لڑ گیا پہاڑوں سے
ہے ریزہ ریزہ چٹانوں کا سلسلہ کوئی
اے میرے رب ، اے مرے دوست، اے مرے وارث
نہیں ہے تیرے سوا میرا آسرا کوئی
Rate it: 
Views: 152
22 Dec, 2024
More Life Poetry
ہر کام کا وقت مقرر ہے ہر کام کو وقت پہ ہونا ہے ہر کام کا وقت مقرر ہے ہر کام کو وقت پہ ہونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
اسلم
