محبت کے بھروسے پہ

لٹا دی ہر خوشی اپنی محبت کے بھروسے پہ
مٹا دی زندگی اپنی محبت کے بھروسے پہ

جلا کر خاک کر ڈالا ہے ، قلب و جان کو یکسر
بجھا دی روشنی اپنی محبت کے بھروسے پہ

جوانی میں ضعیفی کی ردا کو اوڑھ رکھا تھا
جلا کر دلکشی اپنی محبت کے بھروسے پہ

شباب و رعنائی اپنی خزاؤں کے حوالے کی
گنوا دی تازگی اپنی محبت کے بھروسے پہ

انا پرست ہم جیسا نہیں کوئی مگر عظمٰی
بھلا بیٹھے خودی اپنی محبت کے بھروسے پہ