غم چھیڑتا ہے سازِ رگِ جاں کبھی کبھی

غم چھیڑتا ہے سازِ رگِ جاں ۔۔۔۔۔کبھی کبھی
ہوتی ہے تیری یاد غزل خواں۔۔۔۔ کبھی کبھی

مایوسی کفر ہے تو تیرے اِنتظار۔۔۔۔۔۔۔ میں
بجھ سا گیا ہے شعلہءِ اِیماں ۔۔۔۔۔۔کبھی کبھی

محسوس یوں ہوا تیری آوازِ پا کے۔۔۔۔ ساتھ
رُک سی گئی ہے گردشِ دوراں ۔۔۔کبھی کبھی

غم دے کے اُس نے ہوش سے بے گانہ کر دیا
آتا ہے مجھ کو یاد یہ احساں ۔۔۔۔۔۔کبھی کبھی

اُڑانہ راکھ دلِ سوختہ کی ۔۔۔۔۔۔۔۔بادِ صبا
اِس سے بھی جل اٹھا ہے گلستاں ۔۔کبھی کبھی

نکلے گا وہ بھی ڈھونڈنے گھر سے۔۔۔ وسیم کو
شمعیں جلا کے بر سرِ مژگاں ۔۔۔۔کبھی کبھی

یہ غزل طرحی مصرعہ
غم چھیڑتا ہے سازِ رگِ جاں کبھی کبھی
پر لکھی گئی ہے