Add Poetry

شعلہِ عشق بجھانے میں تکلف کیسا

Poet: وشمہ خان وشمہ By: وشمہ خان وشمہ, ملایشیا

شعلہِ عشق بجھانے میں تکلف کیسا
آگ سے خود کو بچانے میں تکلف کیسا

اس کو منظور نہیں ہے مری گمراہی بھی
اور مجھے راہ پہ لانے میں تکلف کیسا

میرے لفظوں میں بھی چھپتا نہیں پیکر اس کا
دل مگر نام بتانے میں تکلف کیسا

سادگی بانکپن شوخی شرارت ان کی
تُو نے انداز وہ پانے میں تکلف کیسا

مسکراتے ہوئے وہ مجمعِ اغیار کے ساتھ
آج یوں بزم میں آنے میں تکلف کیسا

تم نہیں جانتے اب تک یہ تمھارے انداز
وہ مرے دل میں سمانے میں تکلف کیسا

سامنے سب کے سدا خود کو ہنسائے رکھنا
بات بے بات رلانے میں تکلف کیسا

اپنی تنہائی کو سینے سے لگا کر وشمہ
دل کی ہر بات بتانے میں تکلف کیسا

Rate it:
Views: 596
22 Oct, 2017
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets