زندگی
Poet: مرزا عبدالعلیم بیگ By: مرزا عبدالعلیم بیگ, Hefei, Anhui, P.R. Chinaیہ میں ہوں
جیسے آپ ہیں
لیکن میں کچھ الجھنوں کی گرفت میں ہوں
میں آگہی کے بھیانک دُور سے گزر رہا ہوں
میں سنورنے کی جستجو میں
روز بنتا ہوں
روز ٹوٹتا ہوں
زیست کی تمام تر حقیقتوں سے آگاہ ہوں
بناؤٹ اور دکھاوے زندگی نگل جاتے ہیں
اردگرد اچھی بُری حقیقت کا حصہ ہوں
یہ جو آگہی کے دُکھ ہوتے ہیں نا!
تمام سچ جھوٹ لگتے ہیں
ہر بات بے مقصد
ہر رشتہ مطلبی
ہر شخص خود غرض
تمام حرف کھوکھلے
تمام لفظ بے معنی
یہ جو آگہی ہے نا
یہ تو بد سے بھی بدتر ہے
ہنستے بستے انسان کو
رُلا دیتی ہے
اُجاڑ دیتی ہے
یہ جو جہالت کا اندھیرا ہے نا
کتنا سکون بخش ہے
اک کردار جنم دیتا ہے
اک کردار مار دیتا ہے
زندگی اے زندگی
اچھا تُو یہ بتا زندگی
تجھے جیسے جی رہا ہوں میں
مجھے ایسے جینا چاہیے؟
تجھے اچھا سمجھا جائے تو کیا؟
مجھے بُرا سمجھا جائے تو بھی کیا؟
Rate it: 
Views: 365
31 Mar, 2023
More Life Poetry
ہر کام کا وقت مقرر ہے ہر کام کو وقت پہ ہونا ہے ہر کام کا وقت مقرر ہے ہر کام کو وقت پہ ہونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
اسلم
