زندگی ہم نے تمہیں جی لیا حیا کر کے

میرے جنوں کو نئی زندگی عطا کر کے
کہاں چلے ہو مجھے روح سے جدا کر کے

ہم نے لوہ گماں پہ حرف بندگی لکھا
لوگ پتھر کو پوجتے رہے خدا کر کے

کل صبح جوش میں آئی جو رحمت یزداں
مانگ لی میں نے تری آرزو دعا کر کے

جسکی حرمت پہ شعر کہتے رہے ساحر و فیض
آؤ دیکھیں تو سہی وہ حسیں خطا کر کے

کہاں وہ لذت آوارگی اور کہاں تو
زندگی ۔ ہم نے تجھے جی لیا حیا کر کے

تیرگی میں فلک پہ چاند کیسا لگتا ہے
دیکھ آئینہ ذرا سامنے دیا کر کے

صبح جاگ اٹھی تو رومان سارا ٹوٹ گیا
سو گئے تارے آفتاب سے گلہ کر کے

وہ جو رہتے تھے میری قید پہ اداس بہت
کس قدر ٹوٹ کے روئے مجھے رہا کر کے