دریا ہوئی ہے آنکھ تو صحرا ہوا ہے دل
Poet: Aisha Baig Aashi By: Aisha Baig Aashi, karachiدریا ہوئی ہے آنکھ تو صحرا ہوا ہے دل
کس کیفِ بے مراد میں ٹھہرا ہوا ہے دل
فولادِ غم نکالے گا دریائے دل سے کون
اب تو سمندروں سے بھی گہرا ہوا ہے دل
عکاسِ دردِ عالمِ کُل یونہی کب ہُوا
بھٹی میں صدیوں جل کے سنہرا ہُوا ہے دل
دھڑکن کی آرزو کوبھلا کس طرح سنے
سیسا بگوش یاس ہے ، بہرا ہوا ہے دل
اے کاش بے سبب نہ مچلتا، سنبھلتا کچھ
عاشی کا انتباہ تھا، پہرہ ہوا ہے ! دل
Rate it: 
Views: 465
03 Jun, 2014
More Sad Poetry
