حقیقت میں وہی تو ہم سے سچا پیار کرتے ہیں

حقیقت میں وہی تو ہم سے سچا پیار کرتے ہیں
جو اپنی برہمی کا بر ملا اظہار کرتے ہیں

تمہاری صاف گوئی پہ ہمیں شکوہ نہیں لیکن
کبھی دھوکہ نہیں دینا یہی اصرار کرتے ہیں

خوشی کا مسکرانے سے تعلق واجبی نہ ہو
زبردستی کے مسکانے سے ہم انکار کرتے ہیں

جو کہنا ہے ہمیں جاناں ہمیشہ دل سے ہی کہنا
کہ جب تک دل نہ راضی ہو نہیں اقرار کرتے ہیں

نگاہوں اور لبوں کی گفتگو باہم نہ ہو جب تک
زبانی گفتگو پہ ہم بہت تکرار کرتے ہیں

ہم خاموش رہتے ہیں زبان سے کچھ نہی کہتے
زبانِ حال سے ہر بات کا اظہار کرتے ہیں

تمہاری ذات کا پرتو ہمارے ساتھ ہو جائے
ہم اپنی ذات سے عظمٰی قطعاً انکار کرتے ہیں