باتیں تو بہت سی ہیں لیکن ہر بات کہی نہیں جاتی

باتیں تو بہت سی ہیں لیکن ہر بات کہی نہیں جاتی
لکھنے کو بہت کچھ ہے مگر ہر بات لکھی نہیں جاتی

ہزاروں خواہشیں دل میں جنم لیتی ہیں اور مٹ جاتی ہیں
ہونے کو ہو جائے لیکن ہر خواہش پوری کی نہیں جاتی

کوئی کتنا ہی دریا دل کوئی کتنا ہی سخی کیوں نہ ہو
ہر اک شے اپنی کسی کو مگر دے دی نہیں جاتی

بدل ڈال خود کو ہم نے بہت حالات کے آگے
مگر ایک ایسی عادت ہے کہ جو بدلی نہیں جاتی

اگر دل میں اتر جائے تو جو چاہے جتن کر لو
جنوں کی ایسی حالت ہے کہ جو سدھری نہیں جاتی

یہ ہی دیوانوں کا دعوٰی یہ ہی پروانوں کا مسلک
کہ مستی جب چڑھ جاتی ہے تو پھر چھوڑی نہیں جاتی

بہت سی ان کہی باتیں ہم عظمٰی جان لیتے ہیں
مگر اک یہ کہاوت ہے کہ جو سمجھی نہیں جاتی