نیشنل الیکٹرک پاور ریگولیٹری اتھارٹی (نیپرا) نے ملک بھر میں بجلی کی قیمتیں فی یونٹ 48 پیسے کم کرنے کا نوٹیفکیشن جاری کر دیا ہے۔ یہ کمی سینٹرل پاور پرچیزنگ ایجنسی کی درخواست پر کی گئی، جس میں نیپرا سے فی یونٹ 37 پیسے سستی کی سفارش کی گئی تھی۔
نیپرا کے مطابق یہ ریلیف ستمبر کی فیول پرائس ایڈجسٹمنٹ کے تحت دیا گیا ہے اور اس کا اطلاق لائف لائن صارفین پر نہیں ہوگا۔ اس ریلیف کی رقم نومبر کے بجلی کے بلوں میں صارفین کو منتقل کی جائے گی۔
نوٹیفکیشن کے مطابق کراچی سمیت ملک بھر کے صارفین اس ریلیف سے مستفید ہوں گے۔