لاہور۔20مئی (اے پی پی):چیئرمین پاکستان علما کونسل حافظ محمد طاہر محمود اشرفی نے کہا ہے کہ علما کونسل ایرانی صدر ابراہیم رئیسی کے حادثے میں جاں بحق ہونے پر ایران کی قیادت ، عوام اور علما سے افسوس کا اظہار کرتی ہے ۔
پیر کو جاری بیان میں انہوں نے کہا کہ ایرانی صدر ابراہیم رئیسی امت مسلمہ کی وحدت اور اتحاد کے داعی تھے ، عالم اسلام عظیم رہنما جبکہ پاکستان ایک عظیم دوست سے محروم ہو گیا ہے ۔محمد طاہر محمود اشرفی نے کہا کہ ایرانی صدر اور وزیر خارجہ نے فلسطین اور کشمیر کے مسئلے پر ہمیشہ پاکستان ، کشمیریوں اور فلسطینیوں کے موقف کی بھرپور تائید اور حمایت کی ، ان کا اور ان کے ساتھیوں کا جاں بحق ہونا پوری امت مسلمہ کےلئے بہت بڑا نقصان ہے ۔انہوں نے کہا کہ گزشتہ ماہ ایرانی صدر کے دورہ پاکستان سے پاک ایران تعلقات میں بہتری اور مستقبل میں تعلقات کی مضبوطی کا عزم پایا گیا ،ہم اس موقع پر ایران کی عوام اور قیادت کے غم میں برابر کے شریک ہیں ،ایران کے عوام اور قیادت کےلئے دعا گو ہیں کہ اللہ تعالی انہیں صبر و استقامت عطا فرمائے