ہاکی ورلڈ کپ میں قومی ٹیم تاریخ میں پہلی مرتبہ بارہویں نمبر پر۔۔۔!

کرکٹ پر تو اس سال ابھی تک ناکامی اور مایوسی کے بادل چھائے ہی ہوئے تھے، ایک ہاکی ٹیم سے کچھ امیدیں تھیں اس نے بھی برے طریقے سے قوم کو مایوس کر دیا ہے۔ ہاکی کے میگا ایونٹ میں سب سے زیادہ ٹائٹل جیتنے والی قومی ٹیم تاریخ میں پہلی مرتبہ بارہویں نمبر پر رہی اور چھ میں سے صرف ایک میچ جیتنے میں کامیاب ہو سکی۔ حالانکہ جب ٹیم ورلڈ کپ کھیلنے کے لئے روانہ ہو رہی تھی تو ہاکی ہورڈ کے عہدہ داران نے انتہائی بلند و بانگ دعوے کئے تھے اور قوم سے وعدہ کیا تھا کہ اگر فائنل نہیں تو سیمی فائنل تک ٹیم ضرور جائے گی لیکن ان کے تمام بیانات کے برعکس ٹیم بری طرح پانچ میچ ہاری اور پورے ایونٹ کی شامل ٹیموں میں آخری نمبر پر آسکی۔

قومی ہاکی ٹیم کے اتنے اہم ایونٹ یعنی ہاکی ورلڈ کب میں اس قدر خراب کارکردگی پر آپ کیا کہتے ہیں کیا اس خراب کارکردگی کے ذمہ دار کھلاڑی ہیں یا پاکستان ہاکی بورڈ؟