کتاب سے دوری کیوں؟

کہا جاتا ہے کہ کتاب انسان کی بہترین دوست ہے- لیکن نہ جانے کونسی ایسی ناراضگی ہے کہ آج کا ہمارا نوجوان ساتھی کتاب کی دوستی سے دور ہے- کیا یہ وجہ ہوسکتی ہے کہ آج کے ایڈوانس دور میں اُسے نئے اور “رنگین مزاج“ کمپیوٹر و انٹرنیٹ٬ موبائل٬ کیبل ٹی وی٬ ایم پی تھری پلئیرز اور ان جیسے دیگر دوسرے دوست “ٹائم پاس“ کرنے کے لئیے جو مل گئے ہیں- لیکن اگر آج بھی جرمنی٬ جاپان٬ اور امریکہ جیسی اقوام کے نوجوان کی طرف دیکھیں تو وہ اس ایڈوانس دور میں بھی دنیا کی سب سے زیادہ کتابیں پڑھی جانے والی اقوام میں شامل ہیں- جہاں کالج و یونیورسٹی کے طلباﺀ سولہ٬ سولہ گھنٹے مطالعہ کو لازمی قرار دیتے ہیں اور بسوں اور ٹرینوں میں کھڑے افراد بھی کسی کتاب کا مطالعہ کرتے ہی نظر آئینگے (اور شاید یہی ان اقوام کی ترقی کا راز ہے)-

 جہاں ہم دنیا کی دیگر اقوام سے کئی اور چیزوں میں پیچھے رہ گئے ہیں٬ وہیں تعلیم اور مطالعہ کا حال بھی بُرا ہے- آج کا سوال تو صرف یہی ہے کہ ہمارا نوجوان کتاب سے دوستی کا سفر کس طرح شروع کرے؟