سورہ النساء - ٤ -
------------------ آیات # ٥١ تا ٥٩
کیا تم نے وہ نہ دیکھے جنہیں کتاب کا ایک حصہ ملا ایمان لاتے ہیں بت اور
شیطان پر اور کافروں کو کہتے ہیں کہ یہ مسلمانوں سے زیادہ راہ پر ہیں - یہ
ہیں جن پر الله نے لعنت کی اور جسے خدا لعنت کرے تو ہر گز اسکا کوئی یار نہ
پائے گا - کیا ملک میں انکا کچھہ حصہ ہے ایسا ہو تو لوگوں کو تل بھر نہ دیں
- یا لوگوں سے حسد کرتے ہیں اس پر جو الله نے انھیں اپنے فضل سے دیا تو ہم
نے تو ابراھیم کی اولاد کو کتاب اور حکمت عطا فرمائی اور انھیں بڑا ملک دیا
- تو ان میں کوئی اس پر ایمان لایا اور کسی نے اس سے مونہہ پھیرا اور دوزخ
کافی ہے بھڑکتی آگ - جنہوں نے ہماری آیتوں کا انکار کیا عنقریب ہم ان کو آگ
میں داخل کریں گے جب کبھی ان کی کھالیں پک جائیں گی ہم ان کے سوا اور
کھالیں انھیں بدل دیں گے کہ عذاب کا مزہ لیں بیشک الله غالب ہے حکمت والا -
اور جو لوگ ایمان لائے اور اچھے کام کئیے عنقریب ہم انھیں باغوں میں لے
جائیں گے جن کے نیچے نہریں رواں ان میں ہمیشہ رہیں گے ان اکے لئیے وہاں
ستھری بیبیاں ہیں اور ہم انھیں وہاں داخل کریں گے جہاں سایہ ہی سایہ ہوگا
بیشک الله تمہیں حکم دیتا ہے کہ امانتیں جن کی ہیں انھیں سپرد کرو اور یہ
کہ جب تم لوگوں میں فیصلہ کرو تو انصاف کے ساتھہ فیصلہ کرو بیشک الله تمیں
کیا ہی خوب نصیحت فرماتا ہے بیشک الله سنتا دیکھتا ہے - اے ایمان والو حکم
مانو الله کا اور حکم مانو رسول کا اور ان کا جو تم میں حکومت والے ہیں پھر
اگر تم میں کسی بات کا جھگڑا اٹھے تو اسے الله اور رسول کے حضور رجوع کرو
اگر الله اور قیامت پر ایمان رکھتے ہو یہ بہتر ہے اور اسکا انجام سب سے
اچھا- |