پاکستان اور انڈونیشیا دو برادر، دوست ممالک ہین جن کے تعلقات
نہایت مضبوط، گہرے اور تاریخی ہیں۔ دونوں ممالک اسلامی جذبات کے گہرے رشتوں میں
بندھے ہوئے ہیں۔ دونوں ممالک دنیا میں امن، یکجہتی عالمی بھائی چارے، برداشت اور
باہمی تعاون کے لیے کوشاں ہیں۔ دونوں ممالک اقوام متحدہ ، اسلامی تنظیم برائے تعاون
کے فعال رکن ہیں اور ان پلیٹ فارمز سے امت مسلمہ کے لیےنہایت اہم خدمات سرانجام دے
رہے ہیں۔
دونوں ممالک کے تعلقات آزادی سے قبل مضبوط بنیادوں پر استوار ہوگئے تھے جب برصغیر
کے مسلمانوں کے عظیم قائد محمد علی جناح نے انڈونیشیا کی آزادی کی بھرپور حمایت کی
اور برصغیر کے مسلمانوں نے انڈونیشیا کی آزادی میں عملی حصہ لیا اور اپنی جانوں کا
نذرانہ اس عظیم مقصد کے لئے پیش کیا۔ ان میں سے کچھ ایسے بھی تھے جنہوں نے
انڈونیشیا کا سب سے بڑا اعزاز حاصل کیا۔ پاکستانی شہداء وہیں مدفون ہیں جبکہ غازیوں
میں سے کچھ ایسے ہیں جنہوں نے انڈونیشیا میں ہی پناہ لی اور وہیں مقیم ہوگئے۔
انڈونیشیا دنیا کا چوتھا بڑا اور سب سے بڑا اسلامی ملک ہے اور یہ بحر ھند اور بحر
الکاہل کے درمیان واقع ہے جو 70 ہزار سے زائد جزائر پر مبنی ہے۔ اس کی آبادی 27
کروڑ 90 لاکھ سے زائد ہے۔ اس کے چونتیس صوبے ہیں۔ اس کا دارالحکومت جکارتہ ہے جو
جنوب مشرقی ایشیا کا سب سے بڑا شہر ہے۔ انڈونیشیا تیل ، قدرتی گیس، تانبا اور سونے
جیسے قدرتی اور قیمتی اشیاء سے قیمتی اشیاء سے مالا مال ملک ہے۔
انڈونیشیا آسیان ( (ASEANممالک کا بانی رکن ہے۔ انڈونیشیا 1950ء سے اقوام متحدہ کا
فعال رکن ہے اور اسلامی ممالک کی تنظیم برائے تعاون کا بانی رکن ہے۔ اس نےجنوب
مشرقی ایشیائی ممالک کے ساتھ آزاد تجارت کا معاہدہ کیا ہے۔
انڈونیشیا جنوب مشرقی ایشیا کا سب سے بڑا ملک اور دنیا کے امیر ترین ممالک G20 کا
بھی رکن ہے۔ یہ دنیا کی 16ویں بڑی معاشی قوت ہے۔ 2010ء میں بالی جزیرے نے دنیا کے
بہترین جزیرے کا اعزاز حاصل کیا۔ بی بی سی ٹریول 2011ء کے مطابق بالی دنیا کا
بہترین جزیرہ ہے۔
اقتصادیات
آبادی: 27 کروڑ 90 لاکھ (2023)
جی ڈی پی (نامنل) 2023ء: ایک ہزار 420 ارب ڈالر
جی ڈی پی فی کس 2023ء (نامنل): 5،108 ڈالر
جی ڈی پی(پی پی پی) 2023ء : 4 ہزار 3 سو 90 ارب ڈالر
جی ڈی پی فی کس (پی پی پی) 2023ء : 15 ہزار 8 سو 35 ڈالر
جی ڈی پی شعبہ جاتی تقسیم:
§ زراعت 13.7 فیصد
§ صنعت 41 فیصد
§ خدمات 45.4 فیصد
برآمدات ارب ڈالر (2022ء) : 291 ارب ڈالر
اہم برآمداتی اشیاء : پام آئل، اسٹیل، دھاتیں، مشینری، صنعتی آلات ، کیمیکل، ایل،
این جی، ٹیکسٹائل
برآمداتی شراکت کار: چین 23.3٪، آسیان 19 ٪ ، امریکہ 11.75 ٪، یورپی یونین 8.16 ٪،
جاپان 7.70٪
درآمدات (2022ء): 237 ارب ڈالر
درآمداتی اشیاء : مشینری، صنعتی آلات، اسٹیل ، الیکٹرانک اشیاء
درآمداتی شراکت کار ممالک: چین 32.66٪، آسیان 17.17٪، جاپان8.56٪،یورپی یونین
6.43٪، آسٹریلیا4.96٪، بھارت3.97٪
پاکستان اور انڈونیشیا کا تجارتی حجم 4 ارب 37 کروڑ ڈالر ہے ۔ توقع ہے آئندہ چند
سالوں میں بڑھ کر 6 ارب ڈالر پر جائے گا۔ پاکستان کی برآمدات بہت کم یعنی صرف 17
کروڑ ڈالر جبکہ درآمدات 4 ارب 20 کروڑ ڈالر ہیں اس لئے پاکستان کو 4 ارب ڈالر کا
تجارتی خسارہ ہے۔
پاکستان اور انڈونیشیا کے درمیان سرکاری وفود اور ائمی عہدیداروں کی آمد و رفت کا
سلسلہ جاری رہتاہے۔ پاکستان اور انڈانیشیا کا تجارتی حجم 2010ء میں صرف 70 کروڑ تھا
جو 18-2017 ء میں 2 ارب 84 کروڑ ہوگیا جو 300 فیصد کا اضافہ ہے۔ 21-2020ء میں بڑھ
کر 4 ارب 20 کروڑ ڈالر ہوگیا۔ پاکستان انڈونیشیا کو ٹیکسٹائل، سنزیاں، پھل باالخصوص
موسمیاں برآمد کرتا ہے جبکہ انڈونیشیا سے بڑی مقدار میں پام آئل درآمد کرتا ہے ۔
دونوں ممالک کی باہمی تجارت میں بہتر توازن کی ضرورت اور انڈونیشیا کے لئے پاکستان
کی برآمدات میں اضافے کی سنجیدہ ضرورت ہے۔
پاکستان اور انڈونیشیا کے درمیان ترجیحی تجارت معاہدہ پر 3 فروری 2012ء دستخط ہوئے
جبکہ ستمبر 2013ء میں اس معاہدے پر عملدرآمد کا آغاز ہوا۔ انڈونیشیا، پاکستان
معاہدہ 223 ٹیرف لائن کی پیشکش کرتا ہے جبکہ 103 اشیاء پر ٹیکس صرف زیرو ہے۔ ترجیحی
تجارتی معاہدے میں صفر شرح پر کینو، موسمیاں، دیگر اشیاء میں تازہ پھل، گارمنٹس،
کاٹن فیبرک، پنکھے، چمڑے کا سامان شامل ہیں۔ پاکستانی آموں کی برآمدات کے لئے
سنجیدہ کوششوں کی ضرورت ہے۔
پاکستان انڈونیشیا تجارتی اعداد و شمار
سال برآمدات ارب ڈالر درآمدات ارب ڈالر کل تجارتی ارب ڈالر تجارتی توازن
2013-14 0.123 1.592 1.72 (1.109)
2014-15 0.143 2.068 2.21 (1.93)
2015-16 0.126 2.135 2.262 (2.01)
2016-17 0.139 2.296 2.436 (2.150)
2017-18 0.309 2.534 2.843 (2.226)
2018-19 0.147 2.222 2.368 (2.075)
2019-20 0.137 2.408 2.540 (2.271)
2020-21 0.170 4.203 4.37 (4.03)
|