|
|
گھروں میں مہمانوں کی آمد سے قبل مکمل صفائی کا اہتمام
کیا جاتا ہے اور یہی کوشش کی جاتی ہے کہ آنے والوں کو ایک اچھا تاثر مل
سکے لیکن ہمارے گھروں میں کچھ چھوٹی چھوٹی کوتاہیاں مہمانوں کے سامنے
شرمندگی کا سبب بن سکتی ہیں۔ |
|
بالکل صاف ستھرا گھر |
گھر اپنے رہنے والوں کی شخصیت کی عکاسی کرتا ہے ، کچھ
لوگ تو اپنے گھروں کو ہمیشہ صاف ستھرائی رکھنا پسند کرتے ہیں لیکن کچھ ایسے
بھی ہوتے ہیں جو سستی اور کاہلی کی وجہ سے گھر پر زیادہ توجہ نہیں دیتے،
چیزیں بکھری اور بے ترتیب نظر آتی ہیں جو مہمان کی آمد پر آپ کیلئے
شرمندگی کا سبب بن سکتا ہے۔ |
|
|
کمرے کی بدبو |
ہر گھر کی اپنی منفرد خوشبو ہوتی ہے جو عام طور پر زیادہ
تر مہمانوں کی توجہ فوراً اپنی طرف کھینچ لیتی ہے۔ کئی بار کسی گھر میں
داخل ہوتے ہیں انتہائی ناگوار بدبو آپ کا استقبال کرتی ہے اور مہمان باامر
مجبوری وہاں رک تو جاتے ہیں لیکن اخلاقیات کی وجہ سے اظہار کرنے سے گریز
کرتے ہیں۔ مہمان آئیں یا نہ آئیں کوشش کریں کہ گھر کی صفائی میں بدبو کا
بھی خیال رکھیں کیونکہ آپ کے گھر سے آنے والی بدبو کی وجہ سے مہمان تو
کیا اپنے عزیز بھی آپ کے گھر آنا کم کرسکتے ہیں۔ |
|
|
ٹوٹی پھوٹی چیزیں |
اکثر دیکھا گیا ہے کہ بعض مہمان تو خاموشی سے اپنے کام
سے کام رکھتے ہیں لیکن کئی لوگ ایسے بھی ہوتے ہیں جو آپ کے گھر کا پورا
جائزہ لیتے ہیں- اور ایسے میں بجلی کا ٹوٹا ہوا بورڈ، خراب دروازے یا ٹوٹا
پھوٹا سامان مہمان کی نظر میں آپ کو غیر ذمہ دار بناسکتا ہے۔ کوشش کریں کہ
اپنے گھر کی خراب اور ٹوٹی چیزوں کووقت پر ٹھیک کریں تاکہ آپ کا تاثر خراب
نہ ہو۔ |
|
|
ڈیکوریشن |
گھر کی صفائی کے بعد سجاوٹ بھی ایک اہم مرحلہ ہے۔ کچھ لوگ باہر سے ملنے
والی ہر چیز اٹھاکر گھر لے آتے ہیں اور کئی بار عجیب و غریب اور بے معنی
تصویروں سے دیواریں بھر دیتے ہیں۔ کوشش کریں کہ صرف چند اور اچھی چیزیں اور
تصویر ہی اپنی دیوار پر لگائیں کیونکہ بہت زیادہ اور فالتو چیزوں کی وجہ سے
آپ کا تشخص ٹھیک نہیں بنے گا اور اچھی سجاوٹ آپ کے ذوق کا آئینہ ہوگی۔ |
|
|
گندے کپڑے |
کچھ لوگ کپڑے تبدیل کرکے یونہی جگہ جگہ پھینک دیتے ہیں اور بیڈ و صوفوں کے
کور بھی بکھرے نظر آتے ہیں، کوشش کریں کہ گھر میں کپڑوں کا پھیلاؤ نہ ہو
اور بیڈ و صوفوں کے کور درست ہوں تاکہ آنے والے کو اچھا تاثر ملے- اور وہ
گھر کی بے ترتیبی کی وجہ سے آپ کے حوالے سے برا تاثر نہ لے کر جائیں۔ |
|