میں صرف تین سال کی تھی تو میرے ابو نے مجھے نانی کے حوالے کردیا۔۔۔دادی اور نانی کے گھر پلنے والے ستارے

وہ گھر تربیت کا بہترین نمونہ ہوتا ہے جہاں دادا دادی یا نانا نانی جیسی نعمتیں موجود ہوں ۔۔۔کیونکہ جن ستاروں کو پالا ہے ان کے گھر کے بڑوں کی ، ان کی شخصیت میں کچھ ایسا نکھار ہے جو الگ سے ہی اپنی پہچان ہے

ہمایوں سعید کی دادی
ہمایوں سعید کی ٹھنڈی اور پروقار شخصیت کے پیچھے ایک بہت بڑا ہاتھ ان کی دادی کا ہے۔۔کیونکہ ان کے گھر میں کوئی بہن تو تھی نہیں ، یہ پانچ بھائی تھے اور ہمایوں گھر میں سب سے بڑے پوتے تھے تو دادی نے انہیں ہمیشہ اپنے ساتھ ساتھ رکھا۔۔۔جب ہمایوں ناصرہ پبلک اسکول میں زیر تعلیم تھے تو ان کی کئی ٹیچرز نے بتایا کہ ہمایوں سعید کی دادی پورا وقت گراؤنڈ میں بیٹھ کر ہمایوں کا انتظار کرتی تھیں اور چھٹی میں ساتھ لے کر جاتی تھیں۔۔۔

سیمی راحیل کی نانی
سینئر اداکارہ سیمی راحیل نے حال ہی میں ایک انٹرویو میں بتایا کہ وہ صرف تین سال کی تھیں تو ان کی والدہ کا انتقال ہوگیا۔۔۔ان سے چھوٹی ایک بہن بھی تھی تو والد نے کہا کہ میں کیسے سنبھالوں گا۔۔۔اس لئے نانی کے گھر میں چھوڑ دیا۔۔۔ان کی نانی نے ان کی پرورش بہت ہی منظم انداز میں کی۔۔۔صرف نو سال کی عمر میں انہیں کتابیں پڑھنے کی عادت ڈالی اور زندگی میں ہمیشہ مصروف رکھا تاکہ وہ کبھی کسی ڈپریشن کا شکار نا ہوں۔۔۔سیمی راحیل کا کہنا ہے کہ میں تیرہ سال کی تھی تو ابو کا بھی اچانک انتقال ہوگیا لیکن میری نانی نے مجھ پڑھائی اور دیگر آرٹس کی ایکٹیویٹیز میں اتنا مصروف رکھا کہ کبھی ڈپریشن یا غصے جیسی کیفیت کا سامنا نہیں کیا۔۔۔

جویریہ سعود کی دادی
جویریہ سعود کو ان کی دادی نے پالا ہے اور وہ اکثر اس بات کا ظہار کرتی ہیں کہ وہ اپنی دادی سے کافی قریب تھیں۔۔حتیٰ کہ وہ رہتی بھی دادی کے ہی گھر پر تھیں اور جب وہ دوسری بار ماں بننے والی تھیں اور امریکہ میں تھیں تو ان کی دادی نے انہیں فون کرکے کہا کہ تم آجاؤ میرے پاس ملنے۔۔۔جویریہ نے سوچا کہ کچھ دن بعد تو جانا ہی ہے اس لئے نہیں گئیں لیکن وہ آج تک افسوس کرتی ہیں کیونکہ دو دن بعد دادی اس دنیا سے چلی گئیں۔۔۔جویریہ کا کہنا ہے کہ ان کی شخصیت میں جتنی بھی اچھی باتیں ہیں وہ صرف ان کی دادی کی میراث ہے-

ثمینہ احمد
اداکارہ ثمینہ احمد نے ایک انٹرویو میں بتایا کہ ان کے والد کا ان کی بہت کم عمری میں انتقال ہوگیا تو والدہ نے خود کو پڑھائی اور نوکری میں مصروف کیا اور ان کے اس سفر میں ہم بچے اپنی نانی کے پاس ہی پلے۔۔۔ان کا کہنا ہے کہ یہ حقیقت ہے کہ ماں اور باپ بچے کی تربیت بہتر انداز میں کرتے ہیں لیکن ان کے لئے ان کی نانی نے بھی بہت قربانیاں دیں-