ایک پاکستانی تاجر کو دیگر تین غیر ملکیوں سمیت چین کے
صوبے Zhejiang کے شہر Yiwu کی انتظامیہ کی جانب سے پہلا 5 سالہ ورکنگ ویزا
جاری کیا گیا ہے-
|
|
پاکستان کے محمد عارف اور افغانستان٬ اردن اور عراق کے تین شہریوں کو نئی
ویزا پالیسی کے تحت پہلا 5 سالہ چینی ورکنگ ویزا جاری کیا گیا ہے-
اس نئی پالیسی سے قبل چین کی جانب سے کسی بھی تاجر کو زیادہ سے زیادہ ایک
سال کی مدت پر مبنی ویزا جاری کیا جاتا ہے- یہ پہلا موقع ہے کہ چین کی جانب
سے 5 سالہ ورکنگ ویزا جاری کیا گیا ہے اور اس پہلے دستے میں تین دیگر ممالک
کے شہریوں کے علاوہ 1 پاکستانی شہری بھی شامل ہے-
محمد عارف کا کہنا ہے کہ وہ اور ان کے اہل خانہ چینی شہر Yiwu میں قیام
پذیر تھے اور وہ یہاں متعدد پاکستانی اشیاﺀ امپورٹ کرتے تھے-
محمد عارف کے مطابق شہری انتظامیہ نے ان سے وعدہ کیا تھا کہ وہ 200 تاجروں
کو 5 سالہ ورکنگ ویزا جاری کریں گے اور وہ یہ ویزا حاصل کرنے والے پہلے
دستے کا حصہ بن گئے-
چینی شہر Yiwu دنیا کا سب سے بڑا سامان کی خریداری کا مرکز ہے اور اس شہر
کا رقبہ 4.7 مربع میٹر ہے- یہاں ہزاروں کی تعداد میں دکانیں موجود ہیں جن
میں لاکھوں قسم کا سامان فروخت کیا جاتا ہے-
|
|
ہر سال دنیا کے مختلف ممالک سے 4 لاکھ سے زائد تاجر خریداری کے لیے اس شہر
کا رخ کرتے ہیں جبکہ دنیا کے 100 سے زائد ممالک سے تعلق رکھنے والے 13 ہزار
سے زائد تاجر اس شہر میں مقیم ہیں-
|