پاکستان کے بیٹسمین حسن نواز جن کو ٹیم سے نکال دیا گیا تھا انہوں نے آج پھر سے ٹی ٹوئنٹی سہ ملکی ٹورنامنٹ کے لیے ٹیم کو جوائن کرلیا۔
حسن نواز کو ساؤتھ افریقہ کے خلاف ون ڈے سیریز کے دوران ٹیم سے یہ کہہ کر فارغ کردیا گیا تھا کہ وہ ڈومیسٹک فرسٹ کلاس کرکٹ کھیلیں اور اپنی بیٹنگ کو بہتر کریں۔
ان کو ان ہدایت کی وجہ یہ تھی کہ وہ مسلسل وائٹ بال کرکٹ میں ناکام ہو رہے تھے۔ حسن نواز کی قسمت اس وقت کھلی جب عبدالصمد جنہوں نے ان کی جگہ ٹرائی سیریز کھیلنی تھی وہ پیر کے دن فیلڈنگ کرتے ہوئے زخمی ہوگئے۔
جس کی وجہ سے وہ ٹرائی سیریز سے باہر ہوگئے ہیں، انہیں کم از کم تین سے چار ہفتے آرام کا بولا گیا ہے۔
سلیکٹرز نے فیصلہ کیا ہے کہ عبدالصمد کی جگہ حسن نواز کو پھر سے ٹیم میں شامل کیا جائے۔