پاک افغان کشیدگی کے باعث طورخم تجارتی گزرگاہ تیسرے روز بھی بند رہی، جس کے نتیجے میں دونوں ممالک کے درمیان تجارت اور پیدل آمد ورفت مکمل طور پر معطل ہے۔
سیکیورٹی ذرائع کے مطابق طورخم بارڈر کے دونوں اطراف ہزاروں مال بردار گاڑیاں پھنس گئی ہیں جبکہ کارگو ٹریفک اور اشیائے خور ونوش کی ترسیل شدید متاثر ہوئی ہے۔
کسٹم کلیئرنگ ایجنٹس کے مطابق بارڈر کی بندش سے دونوں ممالک کے خزانے کو روزانہ کروڑوں روپے کا نقصان ہورہا ہے۔ ان کے مطابق تاجروں، ڈرائیوروں اور کسٹم ایجنٹس کو بھی بھاری مالی خسارے کا سامنا ہے۔
بارڈر کی بندش سے اس وقت دونوں اطراف سینکڑوں گاڑیاں پھنس چکی ہیں جس میں فروٹس، سبزی، کوئلہ اور ٹرانزٹ کی گاڑیاں شامل ہیں۔