پنجاب بھر کے تمام تعلیمی بورڈز کے تحت انٹرمیڈیٹ پارٹ ٹو (12ویں جماعت) کا سالانہ رزلٹ کل 18 ستمبر 2025 کو صبح 10 بجے بیک وقت جاری کیا جائے گا۔ طلبہ و طالبات اپنے رزلٹ متعلقہ بورڈز کی آفیشل ویب سائٹس کے ساتھ ساتھ ایس ایم ایس سروس کے ذریعے بھی حاصل کرسکیں گے۔
ترجمان پنجاب بورڈ کمیٹی آف چیئرمینز کے مطابق تمام بورڈز نے رزلٹ کی تیاری مکمل کرلی ہے، اور اس حوالے سے طلبہ کی سہولت کے لیے خصوصی اقدامات کیے گئے ہیں۔ رزلٹ کارڈز آن لائن بھی دستیاب ہوں گے جبکہ چند روز بعد کالجز کو باقاعدہ ڈسپیچ بھی کر دیے جائیں گے۔
تعلیمی ماہرین کے مطابق رواں برس انٹرمیڈیٹ امتحانات میں لاکھوں طلبہ نے شرکت کی اور رزلٹ کے اعلان کے بعد یونیورسٹیز اور پروفیشنل کالجز میں داخلوں کا سلسلہ شروع ہوگا۔ والدین اور طلبہ نے رزلٹ سے قبل شدید بےچینی اور تجسس کا اظہار کیا ہے۔